جمهور رئيس محمد اشرف غني نن سهار د يوه لوړپوړي دولتي پلاوي په مشرۍ د هند پايتخت ډيلي ته روان شو.
د جمهوري رياست له مطبوعاتي دفتره په خپره شوې خبرپاڼه کې راغلي چې، جمهور رئيس غني به په دغه سفر کې د هند له لومړي وزير نرېندرا مودي سره ځانګړې ليدنه ولري.
خبرپاڼه زياتوي، افغان جمهور رئيس به همدارنګه په حيدراباد ښار کې د (انډيا فاونډېشن)لخوا جوړې شوې غونډې ته وينا وکړي او له بېلا بېلو اقشارو سره به وګوري.