ټاكل شوې جمهور رئيس محمد اشرف غني سبا په يو ورځني رسمي سفر هند ته لاړ شي.
د جمهوري رياست وياند هارون چخانسوري وايي، جمهور رئيس غني به د هند له لومړي وزير نرېندرا مودي سره ځانګړې ليدنه ولري.
د هغه په وينا، افغان جمهور رئيس به همدارنګه په حيدراباد ښار کې د (انډيا فاونډېشن) لخوا جوړې شوې غونډې ته وينا وکړي او د غونډې د ګډونوالو پوښتنې به ځواب كړي.
چخانسوري زياتوي، په دغه سفر کې به يو شمېر چارواکي هم له جمهور رئيس غني سره ملګري وي.
کلید ګروپ په ټویټر او فیسبوک کې وګورئ
