107
۲۱ وږی ۱۳۹۷
لیکونکی: فضل الهادي حميدي

ولسي جرګه له امريکا سره په امنيتي تړون له سره غور کوي

په هېواد كې ورځ تربلې د ناامنيو له زياتېدو او د وكيلانو له پرله پسې غوښتنو وروسته نن ولسي جرګې پرېكړه وكړه چې له امريكا سره په امنيتي تړون له سره غور کوي.
په وروستيو څو ورځو كې په بېلابېلو ولايتونو كې د جګړو، د امنيتي او ملكي مرګ ژوبلې له ډيرېدو وروسته د دغه جرګې غړو غوښتنه كوله چې له امريكا سره په امنيتي تړون له سره غور وشي، هغه يا عملي شي او يا لغوه كړل شي.
د ولسي جرګې يو شمېر غړو د اوسنيو ناامنيو لوى لامل له امريكا سره امنيتي تړون ياداوه.
باالاخره نن د دغه جرګې غړو د لومړي مرستيال همايون همايون ترمشرۍ لاندې د امنيتي تړون په بيا كتنه رای ګيري وكړه چې د جرګې ډيرى غړو له امريكا سره د امنيتي تړون په بيا كتنه رايه وركړه.
د يادولو وړ ده چې تېره ورځ مشرانو جرګې هم له امريكا سره په امنيتي تړون د بيا غور غوښتنه كړې وه.

 

شريکولShare on FacebookShare on Google+Tweet about this on TwitterShare on LinkedIn
ایمیل *
نوم *
ستاسو څرګندونې *