245
۲۰ چنګاښ ۱۳۹۷
لیکونکی: فضل‌الهادي حميدي

ولسي جرګه فارياب ته پلاوی لېږي

ولسي جرګه غواړي فارياب ته يو پلاوى ولېږي، ترڅو د لاريون كوونكو د غوښتنو او ادعاوو په اړه څېړنې وكړي.
شاوخوا يوه نيمه اونۍ وړاندې حكومت د فارياب د قيصار ولسوالۍ امنيه قوماندان نظام الدين قيصاري د خلكو د ځورولو او امنيتي ځواكونو ته د ګواښ كولو په تور ونيوه.
وروسته په فارياب او يو شمېر نورو ولايتونو كې د قيصاري د خوشې كولو په تړاو لاريونونه پيل شول.
د ولسي جرګې لومړي مرستيال همايون همايون نن د دې جرګې په عمومي غونډه كې وويل، دا چې ولسي جرګه ښه قضاوت وكړى شي، نو د فارياب د استازو په ګډون د يادې جرګې د دوو امنيتي كمېسيونونو غړي بايد دغه ولايت ته لاړ شي او د اړوندې موضوع په تړاو څېړنې وكړي>
ويل كېږي، چې له قيصاري وروسته رحيم الله په اروزګان، محمد داود په فراه او نادرشاه په بدخشان كې ونيول شول، چې ټول په غيرې قانوني كړنو او د عامو خلكو په ځورولو تورن وو، چې عدلي او قضايي ارګانونو ته معرفي شوي دي.

شريکولShare on FacebookShare on Google+Tweet about this on TwitterShare on LinkedIn
ایمیل *
نوم *
ستاسو څرګندونې *