201
۱۸ چنګاښ ۱۳۹۷
لیکونکی: عصمت‌الله مايار

تايلنډ كې د فوټبال لوبغاړو د ژغورنې عملياتو دوهم پړاو پيل شو

د تايلنډ په شمال کې له يوې سمڅې د اتو پاتې فوټبال لوبغاړو او د هغوی د روزونکي د ژغورنې عملياتو دويم پړاو په سيمه ييز وخت نن له غرمې مخکې ۱۱ بجې پيل شو.

تايلنډي چارواکي په راتلونکو ساعتونو کې ښو خبرونو ته په تمه دي.

د چيانګ رای ولايت والي خبري غونډې ته وويل، د تېرې شپې باران د هغې سمڅې د اوبو په کچه کې کوم بدلون نه دی راوستی چې دغه ماشومان پکې بند پاتې دي.

د دوی څلور نور ملګري پرون د عملياتو په لومړي پړاو کې وژغورل شول او اوس يې روغتيايي وضعيت ښه دی.

د فوټبال لوبې ۱۲ ماشوم لوبغاړي چې له ۱۱ تر ۱۶ کلونو عمرونه لري او د دوی روزونکی دوې اوونۍ وړاندې د يوه څېړنيز سفر په مهال د تايلنډ په شمال کې په دغه سمڅه کې بند پاتې شول.

د سمڅې ژورو کې د دوی موندلو نېږدې لس ورځې وخت واخيست.

د سمڅې له خولې نه څلور کيلومټره لرې د بريتانيا يوې ډلې د سمڅې د ننه د تېرې دوشنبې په ورځ د دغو ماشومانو څرک ولګاوه.

شريکولShare on FacebookShare on Google+Tweet about this on TwitterShare on LinkedIn
ایمیل *
نوم *
ستاسو څرګندونې *