د غور ولايتي چارواكي وايي، د دغه ولايت د چهارسدې ولسوالۍ سرپرست ولسوال محمد ابراهيم نن سهار د سړك غاړې ماين چاودنې له كبله ووژل شو.
د والي وياند عبدالحى خطيبي كليد ته وويل، نوموړى خپلې دندې ته روان و، چې په لاره كې يې موټر د سړك غاړې پر ځاى پرځاى شوي ماين ور برابر شو.
د نوموړي په خبره، تراوسه معلومه نه ده، چې په دې پېښه كې بل چا ته هم زيان اوښتى او كنه؟
د پېښې مسووليت تر دا مهاله كومې وسله والې ډلې نه دى منلى.
کلید ګروپ په ټویټر او فیسبوک کې وګورئ