په كابل ښار كې نن د يوه ډله غلو او امنيتي ځواكونو ترمنځ نښته كې درېيو تنو ته مرګ ژوبله اوښتې ده.
د كابل ښار د ۱۵مې امنيتي حوزې امر عبدالقدير باركزي كليد ته وويل، يوه ډله غلو، چې تر جنايي تعقيب لاندې وو، د دې حوزې په مربوطاتو كې له جنايي ځواكونو سره جګړه كړې، چې په ترڅ كې يې يو غل وژل شوى او دوه نور ټپيان دي.
نوموړي زياته كړه، دا كسان په كابل ښار كې د خلكو په وژنې او د موټرونو په غلا تورن دي.
بايد وويل شي، چې په كابل ښار كې د جنايي جرمونو ګراف لوړ شوى او د پايتخت اوسېدونكي يې اندېښمن كړي دي.