د ننګرهار ولايتي چارواكي وايي، د حکومت وسله والو مخالفينو د دې ولايت د غني خېلو ولسوالۍ سرپرست ولسوال سبحان الله خطاب په يو وسله وال بريد کې وژلى او د هغه يو ساتونکى يې ټپي کړى دى.
د والي وياند عطاء الله خوږياڼي کليد ته وويل، وسله والو مخالفينو نن سهار شاوخوا ۱۰ بجې د ماركو فارم په سيمه كې د خطاب پر موټر بريد وكړ.
د خوږياڼي په خبره، په ځوابي بريد كې وسله والو مخالفينو ته هم مرګ ژوبله اوښتې، خو کره جزيات يې نه لري.
د پېښې مسووليت تراوسه چا پر غاړه نه دى اخيستى.