178
۲۳ غبرګولی ۱۳۹۷
لیکونکی: محمد شفيق هېوادپال

اماراتو له سلګونو بېوزلو افغان كورنيو سره مرسته وكړه

د متحده عربي اماراتو سرې مياشتې ټولنې سلګونو بېوزلو کورنيو ته په کابل کې د اماراتو د سفارت تر څارنې لاندې په شيخ زايد کلي کې، چې په قصبه کې موقعيت لري، خوراکي توکي ووېشل.
دغه خوراکي توکي معلولينو، کونډو، يتيمانو او فقيرانو ته وركړل شول.
په كابل كې د اماراتو سفير ماجد الشامسي وويل، د دوى هڅو او مرستو د زيات شمېر اړمنو او بېوزلو افغانانو ستونزې كمې كړې دي.
نوموړي زياته كړه، دوى هر كال په افغانستان كې زرګونو بېوزلو كورنيو سره د بېلابېلو خوراكي توكو مرستې كوي.
الشامسي ټينګار وكړ، چې دوى له افغانانو سره مرستو ته لېواله دي او هڅه كوي، چې تل يې لاسنيوى وكړي.

شريکولShare on FacebookShare on Google+Tweet about this on TwitterShare on LinkedIn
ایمیل *
نوم *
ستاسو څرګندونې *