نن د افغانستان او بنګله دېش د کرکټ ملي لوبډلې دوهمه نړيواله شل اوريزه لوبه کوي.
دغه لوبه د هند د دهرادون ښار په راجيو ګاندي لوبغالي کې ترسره کېږي او د كابل په وخت د ماښام په اوو بجو پيلېږي.
افغانستان او بنګله دېش وړمه شپه د درېيو شل اوريزو لوبو لړۍ پيل کړه.
د دغې لړۍ لومړۍ لوبه افغانستان د ۴۵ منډو په توپير له بنګله دېشه وګټله.
دغه راز ټاکل شوې، چې د راتلونکې پنجشنبې په ورځ د دواړو هېوادونو ترمنځ درېيمه شل اوريزه لوبه ترسره شي.
تر دې لړۍ وروسته به د روانې جون مياشتې په ۱۴مه نېټه افغانستان خپله لومړنۍ تاريخي ټېسټ يا پنځه ورځنۍ لوبه له هند سره پيل كړي.
کلید ګروپ په ټویټر او فیسبوک کې وګورئ