د پکتيا امنيتي چارواکي وايي، په سيدکرم ولسوالۍ کې د بهرنيو ځواکونو په هوايي بريدونو کې شپږ وسله وال طالبان وژل شوي دي.
د دې ولايت د امنيه قوماندانۍ وياند سردارولي تبسم کليد ته وويل، دا بريدونه تېره شپه ناوخته د سيدکرم ولسوالۍ په خړو سيمه كې پر يوه کور ترسره شوي دي.
نوموړي زياته كړه، په دغو هوايي بريدونو كې ملکي وګړو ته تلفات نه دي اوښتي.
وسله والو طالبانو تر دې مهاله رسنيو ته په دې تړاو څه نه دي ويلي.