د اروزګان په مركز ترينكوټ كې نن غرمه د نوي كابل بانك د امنيتي مسوول له لوري د بانک پر مدير او کارکوونکو هغه وخت وسله وال بريد وشو، چې لومړی د بانک د مدير او امنيتي مسوول ترمنځ لفظي شخړه وشوه.
د ارزګان د ملي امنيت رئيس عبدالصمد شمس د پېښې په ځاى کې کليد ته وويل، په دې بريد كې د نوي كابل بانك د مدير او مرستيال په ګډون درې تنه وژل شوي او دوه نور ټپيان دي.
نوموړي زياته كړه، بريد كوونكى امنيتي ځواكونو نيولى او پوښتنې ترې روانې دي.
بلخوا د اروزګان د ولايتي روغتون مسوولينو ويلي، د پېښې له ځايه ورته شپږ تنه ور وړل شوي، چې دوه ټپيان دي او څلورو يې ژوند له لاسه ورکړى دى.
کلید ګروپ په ټویټر او فیسبوک کې وګورئ