په غزني ښار كې د دولت وسله والو مخالفينو څلورو امنيتي سرتېرو ته مرګ ژوبله اړولې ده.
د دغه ولايت د والي وياند روح الله منصوري كليد ته وويل، پرون مازديګر د غزني ښار په پل حيدراباد سيمه كې مخالفينو يو پوليس وژلى او يو بل يې ټپي كړى دى.
د نوموړي په وينا، په ورته مهال وسله والو په كلاى سبز سيمه كې د ملي اردو يو سرتېرى وژلى او يو بل يې ټپي كړى دى.
منصوري زياته كړه، دواړه بريدونه د بې غږه تومانچو په وسيله ترسره شوي دي.
د دولت وسله والو مخالفينو تراوسه په دې تړاو رسنيو ته څه نه دي ويلي.
