176
۲۳ غویی ۱۳۹۷
لیکونکی: محمد شفیق هېوادپال

په انډونيزيا كې درېيو چاودنو له كبله د لسګونو تنو مرګ ژوبله

د انډونيزيا د سورابايا ښار په درېيو کليساوو کې د يوه ځانمرګي بريد په ګډون درېيو چاودنو لږ تر لږه نهه تنه وژلي او شاوخوا ۴۰ نور يې ژوبل كړي دي.
د ختيځې جاوا د پوليسو وياند فرانس بارونګ منګيلا نن وويل، د قربانيانو د هويت معلومولو کار دوام لري.
تراوسه كومې وسله والې ډلې د دغو بريدونو مسووليت نه دى منلى.
دا بريدونه په پايتخت جاکارتا کې د سختدريځو اسلامپالو بنديانو او د ترهګرۍ ضد ځانګړو ځواکونو ترمنځ تر هغې ۳۶ ساعته نښتې وروسته شوي، چې لږ تر لږه د دغو ځواکونو پنځه غړي په کې ووژل شول.
نښته په هغه زندان کې شوې وه، چې تر ټولو ډېر خوندي ګڼل کېده.
انډونيزيا په نړۍ کې د مسلمانانو له مخې تر ټولو ډېر وګړی هېواد دی.

 

شريکولShare on FacebookShare on Google+Tweet about this on TwitterShare on LinkedIn
ایمیل *
نوم *
ستاسو څرګندونې *