205
۲۲ غویی ۱۳۹۷
لیکونکی: محمد شفيق هېوادپال

په جناح پارک کې د پښتون ژغورنې غورځنګ د غونډې مخه نيول شوې

د پښتون ژغورنې غورځنګ مشران وايي، د پاکستان حکومت اجازه نه ده ورکړې، چې د کراچۍ ښار په جناح پارک کې خپله اعتراضيه غونډه وكړي.

د دې غورځنګ يوه غړي محسن داوړ د جمعې په ورځ پر ټوېټر په ويډيويي پيغام کې وويل، د پاکستاني حکومت د فشار له كبله د غونډې د ځاى بدلولو ته اړ شوي دي.

نوموړي زياته كړه، دوى پرېكړه كړې، چې د جناح پارک پر ځاى په سهراب ګوت سيمه کې غونډه جوړه كړي.

د داوړ په وينا، د پښتون ژغورنې غورځنګ دا غونډه د يكشنبې په مازديګر څلور بجې پيلېږي.

بايد وويل شي، چې ياد غورځنګ په پاکستان کې د پښتنو د مدني حقونو او له هغوى سره د تبعيض، د پښتنو د غير قانوني توقيفونو، هدفي وژنو او لادرکۍ په ضد سوله ييزه مبارزه کوي.

شريکولShare on FacebookShare on Google+Tweet about this on TwitterShare on LinkedIn
ایمیل *
نوم *
ستاسو څرګندونې *