نامعلومو وسله والو نن سهار په كندهار ښار كې افغان خبريال عبدالمنان ارغند وژلى دى.
پر نوموړي بريد د کندهار ښار د نهمې امنيتي حوزې په مربوطاتو كې شوى دى.
پوليس وايي، بريد کوونکي له بريد وروسته تښتېدلي دي.
په کندهار کې د خپلواکو ژورناليستانو اتحاديې دا پېښه غندلې او له امنيتي ځواکونو يې د عاملينو د نيولو غوښتنه كړې ده.
هڅه مو وکړه، چې د پېښې په اړه د کندهار د امنيه قوماندانۍ نظر هم واخلو، خو بريالي نه شوو.
تراوسه كومې وسله والې ډلې په دې تړاو څه نه دي ويلي.
کلید ګروپ په ټویټر او فیسبوک کې وګورئ