په لوګر كې د ماين چاودنې د ملي اردو يو قوماندان وژلى او درې سرتېري يې ټپيان كړي دي.
د دې ولايت د والي وياند سليم صالح وايي، د ۲۰۳ تندر قول اردو د څلورمې پلې لېوا قوماندانۍ د لومړي کنډک د قوماندان ډګرمن عبدالوهاب موټر د مركز پل علم په ابچکان سيمه کې پرون ماسپښين کابو درې بجې د سړک غاړې د خښ شوي ماين ښکار شو.
د هغه په خبره، په دې پېښه کې قوماندان وژل شوى، درې نور سرتېري ژوبل دي او رېنجر موټر يې هم له منځه تللى دى.
د چاودنې مسووليت تراوسه چا نه دى منلى.
کلید ګروپ په ټویټر او فیسبوک کې وګورئ
