134
۲۲ وری ۱۳۹۷
لیکونکی: عصمت‌الله مايار

په الجزاير کې د يوې پوځي الوتکې سقوط ۲۵۷ کسان ووژل

د الجزاير له مرکزه بهر بوفاريک پوځي اډې ته نږدې د يوې پوځي الوتکې د لوېدو په پېښه کې ۲۵۷ پوځيان وژل شوي دي.

د ځايي رسنيو له لوري خپاره شوي انځورونه ښيي، چې د پېښې له سيمې تور دود پورته کېږي او خلک د مرستې لپاره د پېښې سيمې ته ور روان دي.

د الجزاير د دفاع وزارت ويلي، چې تراوسه د پېښې علت معلوم نه دى او په اړه يې څېړنې روانې دي.

دا پېښه په الجزاير کې په ۲۰۰۳يم ميلادي کال کې د يوې الوتکې له سقوط وروسته، چې ۱۰۲ تنه په کې ووژل شول، تر ټولو خونړۍ بلل شوې ده.

شريکولShare on FacebookShare on Google+Tweet about this on TwitterShare on LinkedIn
ایمیل *
نوم *
ستاسو څرګندونې *