د کابل ـ کندهار په لويه لاره په ميدان وردګو ولايت کې د ټرافيکي پېښې له کبله ۱۷ تنه ټپيان شوي دي.
د ميدان وردګو ولايت له امنيه قومندانۍ کليد ته په را استول شوې خبرپاڼه کې راغلي چې دغه پېښه پرون له غرمې وروسته د کابل کندهار پر لويه لاره د ميدان وردګو ولايت د سيداباد ولسوالۍ په بادام سيمه کې رامنځته شوې ده.
په خبرپاڼه کې زياته شوې، په دې پېښه کې د ۳ ښځو او ۵ ماشومانو په ګډون ۱۷ تنه ټپيان شوي دي.
په خبرپاڼه کې راغلي چې له پېښې وروسته ټپيان د پوليسو له لوري د کابل ښار روغتونونو ته رسول شوي دي او د درېيو تنو وضعيت يې د اندېښنې وړ دی.
د يادولو ده چې د موټر چلوونکو د بې احتياطۍ او د سړک د خرابوالي له کبله په دغه لويه لاره ډېری وخت ټرافيکي پېښې رامنځته کېږي او خلکو ته پکې مرګ ژوبله اوړي.
کلید ګروپ په ټویټر او فیسبوک کې وګورئ