135
۲۲ سلواغه ۱۳۹۶
لیکونکی: عصمت‌الله مايار

د ترکيې دوه سرتېري د الوتکې د لوېدو په پېښه کې ووژل شول

د ترکيې دوه سرتېري هغه مهال ووژل شول، كله چې يې هليکوپټر د سوريې په شمال کې د سوري کردي جنګياليو په ضد د عملياتو په مهال وغورځېده.

د سوريې لومړي وزير بن علي یلدريم دغه پېښه د ټلويزيون له لارې اعلان کړه.

تر دې وړاندې د ترکيې جمهور رئيس رجب طيب اردوغان په استانبول کې د خبرو په مهال وويل، دغه ترکي هليکوپټر په جنوبي هتای ولايت کې غورځېدلى دى: ((دغه څه به پېښېږي، موږ په جګړه کې يو، موږ الوتکه له لاسه ورکړه، خو دوی به د دې بيه ادا کړي.))

له بل لوري د کردي جنګياليو وياند مصطفی بالي اسوشيېټډ پرېس خبري اژانس ته ويلي، د دوی جنګياليو دغه هليکوپټر د سوريې د عفرين ولايت په شمال راجو سيمه کې راغورځولى دى.

ترکيې تېره مياشت د سوري کردي جنګياليو په وړاندې د سوريې په شمال کې ځمکني او هوايي عمليات پیل کړل.

دا وسله وال د امريکا له لوري روزل شوي او په وسلو سمبال شوي، ترڅو په عراق او سوريه کې د داعش ډلې خلاف وجنګېږي.

شريکولShare on FacebookShare on Google+Tweet about this on TwitterShare on LinkedIn
ایمیل *
نوم *
ستاسو څرګندونې *