د ملي دفاع وزارت د هېواد په بېلابېلو سيمو كې د ۵۹ وسله والو د مرګ ژوبلې خبر وركوي.
دغه وزارت نن په يوه خبرپاڼه كې ويلي، چې امنيتي ځواكونو په تېرو ۲۴ ساعتونو كې د ګډو عملياتو په مهال ۴۸ وسله وال مخالفين وژلي، ۱۱ تنه يې ټپيان كړي او درې تنه يې نيولي دي.
سرچينې زياته كړې، چې دا عمليات په ننګرهار، غزني، لوګر، خوست، اروزګان، زابل، هرات، فارياب، بغلان، کندوز، نيمروز او هلمند ولايتونو کې ترسره شوي دي.
د سرچينې په وينا، په تېرو ۲۴ ساعتونو کې ۱۲ تصفيوي او ۱۲ ځانګړي کومانډويي عمليات د هېواد په ۱۱ ولايتونو کې ترسره شوي، افغان هوايي ځواکونو ۹۲ پروازونه د ملي اردو ځواکونو د ملاتړ په هدف کړي او اته هوايي بريدونه د مخالفينو پر پټنځايونو شوي دي.
د دولت وسله والو مخالفينو تر دې مهاله په دې اړه څه نه دي ويلي.
کلید ګروپ په ټویټر او فیسبوک کې وګورئ