ads

اروزګان كې په شخصي لګښت د فوټبال لوبې پيل شوې

په اروزګان ولايت كې تېر مازديګر د ځوانانو د يووالي په هدف په شخصي لګښت د شهيد جنرال جان محمد خان محمدي په نوم د فوټبال لوبې پيل شوې.

نویسنده: ISMAT MAYAR
17 مرغومی 1396
اروزګان كې په شخصي لګښت د فوټبال لوبې پيل شوې

په اروزګان ولايت كې تېر مازديګر د ځوانانو د يووالي په هدف په شخصي لګښت د شهيد جنرال جان محمد خان محمدي په نوم د فوټبال لوبې پيل شوې.
د لوبو د پيل په مراسمو كې د اروزګان د فوټبال فدراسيون رئيس ميرزا محمد اميرزي وويل، چې په دې سياليو كې ۱۶ لوبډلې برخه لري او شاوخوا ۲۰ ورځې به دوام ولري.
ملک طاوس، چې د دغه ټورنمېنټ لګښت يې پر غاړه اخيستى وايي، هدف يې دا دى، چې ځوانان د يووالي تر چتر لاندې ژوند وکړي او يو موټى واوسي.
نوموړى زياتوي، چې تل به له ځوانانو سره په بېلابېلو برخو كې مرسته او همکاري کوي.
ځوانان او لوبغاړي دغه ډول دوستانه لوبې د ورزش په برخه کې يو نېک ګام ګڼي.
د يادولو ده، چې څو ورځې وړاندې هم په اروزګان كې د فوټبال فدراسيون لخوا د فوټبال د غوره ليګ سيالۍ پيل شوي، چې لا هم دوام لري.

 

کلید ګروپ په ټویټر او فیسبوک کې وګورئ
د تکشارک په واسطه پراختیا او طرحه جوړونه - Copyright © 2024

Copyright 2022 © TKG: A public media project of DHSA