د پاکستان د هوايي ځواکونو مشر وايي تر دې وروسته به د امریکا بې پيلوټه الوتکې په نښه کړي. د پاکستان د هوايي ځواک قومندان مارشال سهیل امان د محصلینو یوې غونډې ته ویلي، چې هوايي ځواک پیاوړی دی او له خپل هوايي حریم دفاع کولی شي. دده په وینا خپلو ټولو پوځیانو ته یې امر کړی، چې تر دې وروسته دې بې پيلوټه الوتکې په نښه کړي. امریکايي بې پيلوټه الوتکې له ۲۰۰۴ کال راهیسې پر قبایلي سیمو هوايي بریدونه کوي. د امریکايي چارواکو په وینا دغه بریدونه یوازې د ډېرو مهمو کسانو د په نښه کولو په موخه تر سره کېږي.
کلید ګروپ په ټویټر او فیسبوک کې وګورئ