د كابل ښار د دويمې امنيتي حوزې اړوند قواى مركز سيمه كې اور لګېدنې شاوخوا ۲۰ دوكانونه وسوځول.
د دويمې امنيتي حوزې مسوولين وايي، چې اور نن سهار شاوخوا ۱۰ بجې د قواى مركز سيمې په بوش سراى كې ولګېد، خو ژر د اطفايې د كار كوونكو له لوري مړ كړاى شو.
د دې حوزې امر سيد ظاهر كليد ته وويل، تراوسه د پېښې علت معلوم شوى نه دى.
بلخوا د بوش سراى دوكاندارانو د كليد خبريال ته ويلي، چې د شاوخوا ۲۰ زرو ډالرو په اندازې زيان ور رسېدلى دى.
کلید ګروپ په ټویټر او فیسبوک کې وګورئ
