د ملي امنيت ځانګړو ځواکونو تېره شپه د ننګرهار ولايت په مومندرې ولسوالۍ کې عمليات ترسره کړي دي.
د ننګرهار د والي وياند عطاء الله خوګياڼي کليد ته وويل، دغه عمليات د ملي امنيت ځانګړو ځواکونو (صفر دوه قطعې) د مومندرې ولسوالۍ په ۲۹مې ويالې سيمه کې ترسره کړي، چې په ترڅ کې يې تلفات هم اوښتي دي.
نوموړي دا ونه ويل، چې په دغو عملياتو کې چا ته تلفات اوښتي دي.
بل لور ته له سيمې يو شمېر سرچينو کليد ته وويل، چې د تېرې شپې په عملياتو کې اووه ملکي وګړي، چې څلور يې د يوې کورنۍ غړي دي، هم وژل شوي.
د حکومت مخالفو وسله والو تراوسه په دې اړه رسنيو ته څه نه دي ويلي.
