165
۱۹ تله ۱۳۹۶
لیکونکی: خوشحال سيلاب

هرات کې ۳ تنه د ترياکو د قاچاق په تور نيول شوي

د هرات امنيتي چارواکي وايي، په دوو بېلابېلو پېښو کې درې تنه د ۱۷ نيم کيلو ترياکو د قاچاق په تور نيول شوي دي.
د هرات ولايت د امنيې قومندانۍ مطبوعاتي دفتر څخه کليد په را استول شوې خبرپاڼه کې راغلي، چې امنيتي ځواکونو په کشک کهنه ولسوالۍ کې يو تن د ۱۶ کيلو ترياکو د قاچاق په تور نيولی دی.
خبرپاڼه وايي، ياد کس دغه نشه يي توکي په يوه فلانکوچ ډوله موتر کې ځای پرځای کړي وو.
د يو بل خبر له مخې د هرات پوليسو دوه تنه نور هم د يو نيم کيلو ترياکو د قاچاق په تور د ياد ولايت په شيدايي سيمه کې نيولي دي.
د سرچينې په وينا، دغه کسان د پوليسو په يوه چېک پاينټ کې نيول شوي او اوسمهال ورڅخه څېړنې روانې دي.

شريکولShare on FacebookShare on Google+Tweet about this on TwitterShare on LinkedIn
ایمیل *
نوم *
ستاسو څرګندونې *