131
۱۴ تله ۱۳۹۶
لیکونکی: محمد شفیق هېوادپال

تېر کال له ۳۵۰۰ زياتو افغان ماشومانو ته مرګ ژوبله اوښتې

ملګري ملتونه وايي، تېر کال په نړۍ کې تر اتو زرو زياتو ماشومانو ته په وسله والو شخړو کې مرګ ژوبله اوښتې، چې څه باندې ۳۵۰۰ يې د افغانستان دي.
د ملګرو ملتونو په تازه راپور کې افغانستان هغه هېواد ياد شوی، چې جګړو په کې تر بل هر ځای زيات ماشومان وژلي دي.
د ملګرو ملتونو په خبرپاڼه کې ويل شوي، چې د شخړو او ماشومانو تر سرليک لاندې کلنی راپور يې د اکټوبر میاشتې په پنځمه نېټه د دغه سازمان امنيت شورا ته وړاندې شو.
د دې راپور موندنې ښيي، افغانستان چې له ۲۰۰۹ ميلادي کال راهيسې په کې ملګرو ملتونو د ولسي خلکو د مرګ ژوبلې ثبتول پيل کړي، په شخړو کې د ماشومانو مرګ ژوبله په کې تر بل هر هېواد زياته ده.
په راپور کې ويل شوي، په ۲۰۱۶ ميلادي کال کې په افغانستان کې ۳۵۱۲ ماشومانو ته مرګ ژوبله اوښتې، په داسې حال کې، چې په سوريه کې دا شمېر ۱۲۹۹ او په يمن کې ۱۳۴۰ و.

 

شريکولShare on FacebookShare on Google+Tweet about this on TwitterShare on LinkedIn
ایمیل *
نوم *
ستاسو څرګندونې *