د هلمند د عامې روغتيا رياست مسوولين وايي، هغه درملتونونه به وتړي، چې په غيرې قانوني ډول فعاليت کوي.
د هلمند د عامې روغتيا رئيس مولاداد توبه ګار كليد ته وويل، هغه ستونزې يې د حلولو په هدف له عامې روغتيا وزارت سره شريكې كړي، چې د دوى له وسه پورته دي.
نوموړي زياته كړه، پر مرکز لښکرګاه ښار سربېره په ولسواليو کې يې هم پر درمل پلورنځيو څارنه پيل کړې ده.
د توبه ګار په وينا، ټول هغه درملتونونه به وتړي، چې د فعاليت جواز ونه لري.
د هلمند د عامې روغتيا رئيس وايي، تر ډېره حده يې د روغتيا په برخه کې هغه مسايل په نظر کې نيولي، چې ولسي خلک يې غوښتنه کوي.
خو د هلمند د مرکز او ولسواليو ځينې نور روغتيايي مسوولين بيا وايي، چې يادې ستونزې ددې ولايت رياست نه شي حل کولی او په خبره يې د عامې روغتيا وزارت بايد په دې برخه کې کار اقدام وکړي.
د يادولو ده، چې نه يوازې په هلمند، بلكې د هېواد په نورو ولايتونو كې هم د روغتيا په برخه كې ګڼې ستونزې موجودې دي او خلك له روغتيايي خدمتونو سر ټكوي.
کلید ګروپ په ټویټر او فیسبوک کې وګورئ