د بادغیس چارواکي وایي، چې وسله والو طالبانو په یاد ولایت کې د ملي اردو اته سرتېري تښتولي دي.
د بادغیس ولایت د والي ویاند ظاهر بهاند کلید ته وویل، چی تېره شپه د طالبانو یوه سيمه ییز قومندان د ملي اردو ځينو سرتېرو سره په همغږۍ په اب کمري ولسوالۍ کې د ملي اردو يوې پوستې ته ورغلی او اته سرتېري يې نا معلوم ځای ته وړي دي.
د بهاند په وینا، طالبانو هغه ټولې وسلې او مهمات چې په یاده پوسته کې وو، هم له ځان سره وړي دي.
د بادغیس د والي ویاند وایي، د اتو تښتول شويو سرتېرو د برخليک په اړه مالومات نه لري.
وسله والو طالبانو تر اوسه په دې اړه رسنيو ته څه نه دي ويلي.