114
۲۹ غبرګولی ۱۳۹۶
لیکونکی: اسدالله دولتزی

غني خېلو کې د ځانګړو عملياتو په مهال ۵ تنه وژل شوي

د ننګرهار ولایتي چارواکي وایي، غني خېلو ولسوالۍ کې د کورنیو چارو وزارت ځانګړو ځواکونو په عملیاتو کې پنځه تنه وژل شوي او پنځه نور ژوندي نیول شوي دي.
د ننګرهار د والي ویاند عطاالله خوګیاڼي کلید ته وویل، چې تېره شپه د غني خېلو ولسوالۍ په سیاه چوب سیمه کې افغان ځانګړو ځواکونو په یوه کور عملیات ترسره کړي، چې د مقاومت په ترڅ کې پنځه تنه وژل شوي او پنځه نور یې ژوندي نیول شوي دي.
نوموړی وایي، په یادو عملیاتو کې افغان ځواکونو ته هېڅ زیان نه دی اوښتی.
بل لور ته بیا له سیمې یوه عیني شاهد کلید ته د نوم او غږ نه خپراوي په شرط وویل، چې یاد عملیات د ولسي خلکو په کورونو ترسره شوي او په هغه سیمه کې هېڅ وسله وال طالبان نه وو.
وسله والو طالبانو هم تر اوسه په دې اړه رسنیو ته څه نه دي ویلي.

شريکولShare on FacebookShare on Google+Tweet about this on TwitterShare on LinkedIn
ایمیل *
نوم *
ستاسو څرګندونې *