161
۲۹ غبرګولی ۱۳۹۶
لیکونکی: اسدالله دولتزی

د پاکستاني د ورکو شوو دوو ډيپلوماټانو د موندلو په اړه جدي پلټنې پيل شوې

د ننګرهار ولایتي چارواکي وایي، په جلال اباد کې د پاکستان د قونسلګرۍ د دوو تنو کارکوونکو په اړه، چې د تورخم ــ جلال اباد په لویه لاره نادرکه شوي، جدي پلټنې پیل شوې دي.
د ننګرهار د والي ویاند عطاالله خوګیاڼي کلید ته وویل، چې د تېرې جمعې په ورځ په جلال اباد کې د پاکستان قونسلګرۍ دوه تنه کارکوونکي چې پاکستان ته تلل د تورخم ــ جلال اباد په لویه لاره نادرکه شوي دي.
نوموړی وایي، دغو ډیپلوماټانو د تګ په وخت کې ولایتي او امنیتي چارواکو ته خبر نه و ورکړی او په خپل سر روان شوي وو.
د والي ویاند زیاتوي، دوی هڅې پیل کړې دي، چې ترڅو ياد ډيپلوماټان پیدا او د قنسلګرۍ استازو ته یې وسپاري.
د تورخم ـــ جلال اباد په لویه لاره دا لومړی ځل نه دی، چې خلک نادرکه کېږي، بلکې له دې څو پلا وړاندې هم ورته پېښې تکرار شوې دي.

شريکولShare on FacebookShare on Google+Tweet about this on TwitterShare on LinkedIn
ایمیل *
نوم *
ستاسو څرګندونې *