46
۲۹ غبرګولی ۱۳۹۶
لیکونکی: جمشېد ملکزی

ايراني ځواكونو د سوريې په جنوب كې د داعش پر نظامي مركزونو بريد کړی

د ايران د سپاه پاسداران انقلاب ځواکونو ويلي، چې د سوريې په جنوب کې يې د داعش نظامي مرکزونه په توغنديو ويشتي دي.
د سپاه پاسداران يو وياند وايي، چې دا بريد يې د ايران پر پارلمان او د خميني پر مقبرې د داعش د بريد په غچ کې کړى دى.
څو ورځې وړاندې په تهران کې د پارلمان پر ودانۍ او د خميني پر مقبرې ډله ييز بريدونه وشول، چې پکې ګڼو کسانو ته مرګ ژوبله واوښته.
د يادو بريدونو مسووليت داعش ډلې منلى و.
دا لومړى ځل دى، چې ايران د سوريې په خاوره کې د داعش نظامي اډې په توغندويي بريد سره په نښه کوي.
ايران د سوريې د جمهور رئيس بشارالاسد ملاتړى هېواد دى، چې د نظامي همکارۍ ترڅنګ يې هلته يو شمېر ځواکونه هم له داعش او نورو وسله والو ډلو سره پر جګړې بوخت دي.

شريکولShare on FacebookShare on Google+Tweet about this on TwitterShare on LinkedIn
ایمیل *
نوم *
ستاسو څرګندونې *