120
۲۸ غویی ۱۳۹۶
لیکونکی: تاج محمد ساحل

كندهار كې د امنيتي ځواكونو او وسله والو طالبانو ترمنځ نښتې شوې دي

د كندهار امنيتي چارواكي وايي، وسله والو طالبانو تېره شپه د دې ولايت په شمالي ولسوالۍ ميانشين کې د پوليسو پر امنيتي پوستو بريدونه کړي، چې په مهال يې سختې جګړې شوې دي.
جګړې د ولسوالۍ په بېلابېلو سيمو کې تېره شپه شاوخوا لس بجې شوې دي.
د کندهار د امنيه قوماندانۍ د وياند ضياء دراني په وينا، د دواړو لورو ترمنځ په جګړو کې اته وسله وال وژل شوي، څوارلس نور ټپيان دي او امنيتي ځواكونو ته زيان نه دى اوښتى.
وسله والو طالبانو تراوسه په دې اړه څه نه دي ويلي.
ميانشين د کندهار شمالي ولسوالي ده، چې له څه مودې راهيسې بيا ناامنه شوې ده.

شريکولShare on FacebookShare on Google+Tweet about this on TwitterShare on LinkedIn
ایمیل *
نوم *
ستاسو څرګندونې *