238
۲۸ غویی ۱۳۹۶
لیکونکی: محمد شفيق هېوادپال

افغانستان ماليزيا ته د فوټسال په اسيايي سياليو کې ماتې ورکړه

افغانستان د فوټسال په اسيايي سياليو کې ماليزيا ته په ماتې ورکولو سره دويمه بريا خپله کړه.
د ٢٠ کلنو لوبغاړو دا سيالۍ وړمه ورځ په تايلنډ کې پيل شوې دي.
افغانستان پرون په خپله دويمه لوبه کې ماليزيا ته څلور پر يو ګول ماتې ورکړه او دويمه بريا يې خپله کړه.
د افغانستان د شل کلنو فوټسال لوبډلې وړمه ورځ د دې سياليو په لومړۍ ورځ د بروناى دارالسلام لوبډلې ته ١٤ پر يو ګول ماتې ورکړې وه.
په دې سياليو کې ګډون کوونکي هېوادونه په درېيو ګروپونو وېشل شوي، چې افغانستان په (الف) ګروپ کې له بروناى دارالسلام، تايلنډ، بحرين، عراق او ماليزيا سره شامل دى.
ټاکل شوې افغانستان نن خپله درېيمه لوبه له عراق سره ترسره کړي.

شريکولShare on FacebookShare on Google+Tweet about this on TwitterShare on LinkedIn
ایمیل *
نوم *
ستاسو څرګندونې *