له هټلر سره په ورته والي د سوريې د جمهور رئيس په اړه له پخوانيو څرګندونو د امريکا د سپينې ماڼۍ وياند بښنه غوښتې ده.
شاين سپايسر ويلي و، چې د نازي جرمني پخواني مشر اډولف هټلر هم کېمياوي مواد نه دي کارولي، خو بشارالاسد پر خپلو خلکو د کېمياوي وسلو بريد وکړ.
د سپينې ماڼۍ د وياند تر دې څرګندونو وروسته يې په وړاندې سخت غبرګونونه را ولاړ شول، چې وروسته بيا شاين سپايسر له سوريې بښنه وغوښته او دا څرګندونې يې تصادفي وبللې.
امريکا په سوريه کې د بشارالاسد د ګوښه کېدو هڅه کوي، چې په مقابل کې يې د سوريې له وسله والو مخالفينو سره په مرستې تورنه ده.
بلې ډډې ته روسيه په سوريه کې د بشارالاسد همکارۍ ته ور دانګلي، چې په سيمه کې د امريکا او روسيې اړيکې ورسره ترينګلې شوې دي.