د بنګله دېش سمندري پوځ په لومړي ځل دوه اوبتلې ترلاسه كړي، چې د پوځي ګزمو لپاره د چمتووالي په هدف سمندر ته کوزې کړاى شوې دي.
د بنګله دېش لومړۍ وزيرې شېخ حسينه واجد پرون چټاګانک سمندري بندر كې په همدې هدف جوړو شوو مراسمو کې دواړه اوبتلې پوځ ته وسپارلې.
نوموړې وويل، په ستونزمنو حالاتو کې به پوځ وکولى شي له يادو اوبتلو ګټه پورته کړي او دښمن وځپي.
بنګله دېش دغه اوبتلې په ۲۰۳ ميليونه امريکايي ډالرو له چينه پېرودلې دي.