د پاکستان په پنجاب ايالت کې د خلكو ګوند يو پخوانى غړى د نامعلومو وسله والو له خوا په ډزو ووژل شو.
د پنجاب ايالت د لاهور ښار پوليس وايي، چې د بابر سهيل په وژنه كې د هغه ساتونکى لاس لري.
د پوليسو په وينا، بابر سهيل د خپل کور په وره کې د نامعلومو موټر سايکل سپرو وسله والو له خوا لومړى ټپي او وروسته يې په روغتون کې ساه وركړه.
تراوسه د پېښې د انګېزې په اړه څه نه دي ويل شوي، خو پوليسو د قاتلينو په اړه پلټنې پيل کړې دي.
په پاكستان کې له تېرو کلونو راهيسې هدفي وژنو هم زور اخىستى، چې ډېر کله په کې لوړ پوړي چارواکي هم په نښه کېږي.
