د ملي امنيت عمومي رياست مسوولين وايي، ننګرهار کې يې يو تن د مقناطيسي ماينونو جوړونکی نيولی دی.
د ملي امنيت له عمومي رياست څخه په خپره شوې خبرپاڼه کې ويل شوي، چې موظفينو يې د يو لړ ځانګړو عملياتو پرمهال هغه کس نيولی، چې وسله والو طالبانو ته به يې مقناطيسي ماينونه جوړول او د ډېرو کسانو په تښتولو کې يې هم لاس درلود.
سرچينه زياتوي، چې ياد تن يې د روداتو ولسوالۍ اړوند په غازي امان الله خان ښار ګوټي کې د ماينونو د ځای پرځای کولو پرمهال نيولی او په خپل جرم يې اعتراف کړی دی.
تر اوسه پورې وسله والو طالبانو په دې اړه رسنيو ته څه نه دي ويلي.