سعودي عربستان د ايران او داعش په وړاندې د امريکا د نوي منتخب جمهور رئيس ډونالډ ټرمپ د سياستونو هركلى كړى.
د سعودي عربستان د بهرنيو چارو وزير عادل الجبير پرون د ډونالډ ټرمپ د هغو تګلارو هرکلى وکړ، چې له مخې به يې ايران په سيمه کې منزوي کوي او د داعش په ضد به خپله مبارزه روانه ساتي.
ټرمپ د خپل ټاکنيز كمپاين په مهال له ايران سره د اټومي هوکړې په اړه د بيا کتنې ژمنې ترڅنګ په منځني ختيځ کې د داعش په ضد جګړې په تړاو خپل دريځ روښانه کړى دى.