در اجلاس چهارجانبه سران چهار کشور در دوشنبه تاجیکستان بر همکاری های اقتصادی و امنیتی میان افغانستان، تاجیکستان، پاکستان و روسیه تاکید گردید.
رهبران کشورهای افغانستان، پاکستان، تاجیکستان و روسیه در نشستی مشترک در دوشنبه بر همکاریهای اقتصادی و امنیتی میان این کشورها تاکید کرده اند.
حامد کرزی، رئیس جمهور افغانستان، آصف علی زرداری، رئیس جمهور پاکستان، امام علی رحمان، رئیس جمهور تاجیکستان و دمیتری مدودف، رئیس جمهور روسیه روز جمعه، ۱۱ سنبله در دوشنبه، پایتخت تاجیکستان شرکت کرده و بر گسترش همکاری های در عرصه های اقتصادی و منطقه ای تاکید کردند.
روسای جمهور این چهار کشور در پایان این نشست با صدور اعلامیه‌ء مشترک بر توسعه همکاریهای منطقهء در زمینه‌های اقتصادی و امنیتی تاکید کردند.
در این اعلامیه که به امضای هر چهار رئیس جمهور رسیده، تروریسم، افراط گرایی و قاچاق مواد مخدر، از مشکلات عمده در افغانستان، پاکستان و آسیای میانه عنوان شده است.
داکتر رنگین دادفر اسپنتا، مشاور امنیت ملی حامد کرزی که در این سفر او را همراهی می‌کرد، به بی‌بی‌سی گفته است:”این اعلامیه بر محورهای همکاری های چهار کشور و همچنین خطرها و تهدیدهای منطقه‌ای صادر شده است.”
به گفتهء سپنتا ” نگرانی از یک طرف از تروریسم بین‌المللی است و از طرفی دیگر تولید و قاچاق مواد مخدر به عنوان یک تهدید مشترک است.”
مشاور امنیت رئیس جمهور کرزی همچنین گفته است که در این نشست یکی از موضوعهای مورد بحث این بود که فدراسیون روسیه و تاجیکستان و همچنین سازمانهای بین‌المللی مانند سازمان شانگهای را چگونه می شود در افغانستان و منطقه برای تامین امنیت تحریک کرد.
رئیس جمهور روسیه گفته است که در مورد سرنوشت آینده افغانستان و کشورهای همجوار آن باید قدرتهای منطقهء تصمیم بگیرند.
مدویدف در حالی بر این امر تاکید کرده که ایالات متحده امریکا در حال کاهش شمار نیروهای خود در افغانستان می باشد.
مدویدوف در گفتگوی دوجانبه با رئیس جمهور کرزی، از آغاز روند واگذاری مسئولیت تامین امنیت از نیروهای خارجی به نیروهای امنیتی افغان حمایت کرده است.
رییس جمهور روسیه همچنین گفته است که روسیه آماده کمک به افغانستان در زمینه‌های اقتصادی و امنیتی است.
این سومین نشست چهارجانبه میان سران کشورهای افغانستان، پاکستان، تاجیکستان و روسیه بود که در شهر دوشنبه برگزار شد.
کلیدگروپ را در تویتر و فیس بوک دنبال کنید
